دعوه لجوبا85

زائر

بما انى من المشرفين فى المنتدى الجميل ده صعب عليا جدا انى الاقى كرسى الاعتراف فاضى
وعلشان كده علشان جوبا85 اكتر عضو يهمنى
انا باطلب منه يكون اول الجالسين على كرسى الاعتراف
ممكن يا جوبا تشرفنا بالجلوس على كرسى الاعتراف؟
ومش هاحط اسألتى الا لما توافق
مستنيه ردك يا برنس

وانا كمان بضم صوتى لصوتك يا gobamero

وبطلب من جوبا85 يقعد على الكرسى شويه وينورنا

عايزين نتعرف عليه اكتر كمان

وانا كمان بشجع الراى ده
اتشجع يا جوبا ووافق
وملكش دعوه بالباقى
بس انت توافق

زائر

معلشى انا غيرت رأيي مش عايزه اعمل الموضوع ده اناعملته غلطه
سهل لو عايز تستمر فى انك تخلى جوبا على كرسى الاعتراف زى ما تحب لكن انا هانسحب رغم انى اللى عملت الموضوع

هتنسحبى ليه يا gobamero

انا جيت اهو

ومستنى اسئلتك

انتى عارفه انى ما اقدرش اتاخر عليك

ازيك يا صديقى ايه اخبارك

بما ان انت وافقت انك تعد على الكرسى فاحب انى ارحب بيك وبوجودك معانا هنا على الكرسى

ويارب يكون الكرسى مريح ويعجبك

نبدا الاسئله
1- عرفنا بنفسك

2- امانيك فى الحياه كلها اوعى تسيب حاجه

3- بتفكر فى ايه دلوقتى ونفسك تعمله

4- لو فى ايدك سيف تضرب مين بيه

5- لو صحيت من النوم ملقتش نفسك فى بيتكم هتعمل ايه

6- لو بلطجيه وقفوك فى الشارع وقالولك طلع اللى معاطك هتعمل ايه

7- لو وحد ناس بيضربوه فى الشارع هتحوش ولا هتعمل ايه

8-عمرك وقعت فى حفره قبل كده ونفسك تقع لو جتلك الفرصه

9- هتعمل ايه لو حد مره ضربك على غفله

10- ايه الحاجه اللى تضايقك اوى

وكفايه دول دلوقتى

هقوم وارجعلك على طول

ماشى

ونرجع تانى مع نوع تانى من الاسئله
ماشى يا صديقى

الاول
1- ايه رايك فى الحب

2- حبيت قبل كده

3-قولنا قصة حب حصلتلك وانت فى الجامعه او الثانوى

4- رد فعلك ايه لو واحده قالتلك بحبك

5- مين اللى انتى بتتمناها

6- لو حبيبتك خدعتك ايه هيكون رد فعلك

7- لو حبيبتك طلبت منك تبعد عن حد صديق ليك هتعمل ايه وليه

8- لو انت لاقدر الله فى حريق ومعاك حبيبتك واختك وتقدر تنقذ واحد بس هيكون مين

9- السؤال ده خطير ياريت الصراحه لو انت بتحب وعرفت ان اختك بتحب حد ؟

10- ايه اخر حاجه تتوقعها من اللى بتحبه

11- لو سافرت الى الخارج تفضل تروح فين

12- لو تقدر ترجع بالعمر الى الخلف هترجع اد ايه وليه

13- هل انت متميز بين صحابك وايه اللى بيميزك اوعى تكذب

14- كم صاحب ليك

15- حد من اصحابك غدر بيك

16- لو فى فرصة عمل ادامك انت وواحد صاحبك وانتو المرشحين وقالولكم اتفقو مع بعض على الشغل هتسيبله الشغل ولا هتعمل ايه

17- نفسك تشتغل فين وليه

18- اكتر واحد ممكن يجرحك مين

19 واكتر واحد ممكن يمسح دمعتك

20 - الرفاق حائرون
يتسائلون
يفكرون فى جنون

حبيبتى من تكون

من القائل

وشكرا جدا لسعة صدرك لاسئلتى ويارب تعجبك الاسئله
وتكون مبسوط معانا

ملحوظه
جميع الاسئله اجبارى وممنوع منعا باتا ترك اى سؤال
ولو سبت هتعرض نفسك للمسائله امام الاداره
ماشى
وشكرا

شكرا لك يا صديقى على الاسئله وان شاء الله هجاوبلك عليها كلها

ونبدا بالدفعه الاولى

1_ اعرفك بنفسى
انا اسمى محمد حيرم
24 سنه
حاصل على بكالريوس تجاره جامعه الزقازيق

من الشرقيه وبالتحديد من ديرب نجم

2- دلوقتى بفكر انى ما اجاووبش على الاسئله بتاعتك

ونفسى انى اطبق فى زماره رقبتك واخنقك عشان ارتاح واريح البشريه منك

3_ امانيا فى الحياه كتير
اولها انى ارتبط باللى حبها قلبى واتعلق فى هواها
ثانيها انى ارضى اهلى عنى واضى حبيبتى

وطبعا ارضى ربنا دا اولا واخير

4_ لو فى ايدى سيف اكيد اكيد هكون عايز اضرب كل واحد ظالم فى الدنيا
عايز اضرب بيه كمان واحد انته عارفه كويس بيسموه طلبه ههههههههههههههه

5_ مالقتش نفسى فى بيتنا !!!!!
اكيد نفس اللى هعمله لو لاقيت نفسى فى بيتنا
اول حاجه هفكر فيها انى اصلى
وبعدين هدور على حاجه اكلها

وبعدين هشوف انا فين وجيت هنا ازى

واهم حاجه مش هشرب حاجه تانى تخلينى اتسطل لحسن انا لما بتسطل بنام فى اماكن غريبه قوى

6_ ههههههههههههه
شوف على حسب عددهم

يعنى لو كتير
فاكيد هديلهم اللى معايا

انما لو 2 او ثلاثه كدا اكيد هثبتهم بشويه حركات وتهديدات كدا
حركات من اللى انت عارفها دى

7_ اكيد هحوش طبعا دى مش محتاجه كلام

8_ لا ياعم لا عمرى وقعت فى حفره ولا عايز اقع ولا نفسى انى اقع فى حفره

بس قصدك ايه بالحفره

9_ اكيد هردله الضربه اكبر من اللى هوا ضربها ومش هعديها

10_ الحاجه اللى تضايقنى اوى ان واحد يسالنى اسئله كتيره هوا عارف راى فيها قبل ما هوا يسالها

واحد بيستعبط مثلا

وانت عارف انا بتكلم على مين

وكفايه يا سيدى اسئلتك

ونكمل معاك يا صديقى ونشوف النوع التانى من الاسئله

مسش عارف حاسس انك بتجرب عليا الادويه ليه

1_ الحب انواع كتير
فيه حب ربنا
وحب الاهل
وحب الاصحاب
وحب الذات والهوايات والعمل
وكل حاجه موجوده فى الدنيا

ولو ما حبتش الحاجه دى مش هتعرف تتمسك بيها

2_ حبيت طبعا
من يوم ما اتولدت وانا بحب
وكل الناس بتحب يا صديقى

الحب مرتبط بالقلب
ومادام فيه قلب يبقى فيه حب

3_ هههههههههههههههههههههههههه
انت عارف لو كان سؤالك اقولك قصه حب حصلتى وانا بعد الجامعه
كنت قولتلك
انما مافيش قصه حب حصلتلى وانا فى الجامعه ولا وانا فى اثانوى

4_ ههههههههههههههههههه
هقولها وانا كمان بحبك طبعا
يعنى اكسفها مثلا

5_ قصدك ايخ بمين دى يعنى عايز مواصفاتها ولا اسمها
على العموم اللى اتمنيته فى احلامى دلوقتى لاقيته

على راى الست نوال الزغبى

6_ لو خدعتنى ماتبقاش حبيبتى يا صديقى

7_ شوف يا صديقى مادمت انا رضيت انها تبقى حبيبتى بارادتى او غصب عنى فاكيد اى طلب هتطلبه هعمله باذن الله
اى ان كان الطلب دا

8_ ههههههههههههههههههههههه
هههههههههههههههههههههههههه
طب وليه الاسئله الملعبكه اللى مالهاش اجابه دى يا صديقى
ماتخلى الاسئله سهله شويه
او حتى خلى الاختيار سهل
دانت اسمك سهل برضه

9_ هوا فين السؤال اساسا

10_ انا اتوقع منه كل حاجه الا الخيانه او انه يكرهنى

11_ بره مصر احب انى اروح الامارات

ولو دوله مش عربيه
احب انى اروح المانيا

12_ هرجهع لايام 3 اعدادى لانى كنت الاول على المدرسه وكنت مشهور جدا فى الدروس وفى المدرسه كلها
وكنت كمان هادى جدا
والكل كان متوقعين انى اكون دكتور او مهندس

13_ انا شايف نفسى متميز بين اصحابى انما رايهم فانا مااعرفوش
اولا التميز فى راى مش بالبس ولا بالشكل
التميز فى راى بالتفكير
وانا والحمد لله ربنا ادانى عقل بعرف استغله كويس
سوا بقا مع اصحابى او مع اى حد تانى

14_ يوووووووووه كتير قوى
بس ممكن تقولى انى منفض ليهم كلهم
اللى بيفتكرنى بيجيلى
انما انا مابروحش لحد فعلا بقالى تقريبا 3 سنين

15_ غدر بيا الحمد لله لاء
بس بص اكيد فيه مشاكل بتحصل بين الاصحاب انما مافيش الحمد لله غدر ما بينا

16_ اولا الافتراض دا مستحيل من ناحيه الواقع
انما لو مشيت على كلامك وافترضته من تخيلاتى
فهشوف على حسب مين اللى محتاج فينا للشغل دا اكتر من التانى
واكيد بما انه صحبى
يا اما انا اشتغل وبعد كدا اجيبه معايا
يا اما هوا يشتغل وبعد كدا يشدنى معاه

_ نفسى اشتغل فى وزاره التجاره الخارجيه ليه مش عارف بس ليا طموح هناك لانى نفسى انى اكون وزير ان شاء الله

_مش عارف بجد
بس اكيد دا هيكون واحد ما اتوقعش انه يجرحنى
وجرحى منه هيكون بسبب انى اتغشيت فيه

19_ اللى يمسح دمعتى فاكيد مافيش غير حبيبتى

20_ اللى قال كدا اكيد انتا

ماشى ياعم وانا جاوبت على كل الاسئله

موضوع: رد: دعوه لجوبا85 الأحد نوفمبر 29, 2009 4:11 pm

جوبا صديقى منور والله
يارب يكون الكرسى مريحك

ده لسه بكيسه محدش لمسه غيرك

عندى كام سؤال كده يارب يعجبوك

نبدا الاسئله

1-باقة ورد لمن تهديها ...؟؟

2- باقة شوك لمن تهديها ...؟؟

3- اسوأ خبر سمعته...؟؟

4- شخص لاترفض له طلبا ..؟؟

5- مـــــن يطـــــربك ...؟؟

6- ماهي التجربه التي تتمنى تكرارها ...؟؟

7- من هو توأم روحك ...؟؟

8- ماهو اكثر شئ تخشاه...؟؟

9- مالذي يشعرك بأكثر قدر من الحرج...؟؟

10- نزار شاعر المرأه.... وانت شاعر من ...؟؟

11- حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

12- جريمه تتمنى ارتكابها...؟؟

13- قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟

14- كلمه اخيره .. بعد ان اصابك الملل..؟؟

شكرا لك يا سهل على اسالتك وان شاء الله ربنا يوفقنى واجاوب عليها كلها
ونبدا الاجابات

1_ باقه الورد اهديها كلها للشعب الفلسطينى تقديرا لهم على استمار نضالهم وتضحياتهم من اجل ارضهم ووطنهم

2_ باقه الشوك اكيد مافيش غير اليهود والاسرائليين والامريكان وكل من حالفهم دول احق ناس بيها

3_ اسواء خبر وفاه والتدتى ما اعتقدش فيه فاجعه ممكن تحل على اى بيت او اى اسره اكتر من فاجعه وفاه احد الوالدين خصوصا عند الابناء

4_ شخص لا ارفض له طلب هوا الشخص اللى اكون متاكد انه بيداع عن الحق وعن قضيه اكون انا فى نفس الوقت مؤمن بيها

5_ من يطربى اكيد كتير بس ممكن تقول محمد منير وماجده الرومى على فكره انا بسمع ماجده الرومى دلوقتى اغنيه سقط القناع

6_ مش عارف بصراحه تجربه معينه دلوقتى

بس على العموم كل تجربه جميله مريت بيها قبل كدا واستفد منها احب انى اكررها تانى

7_ توؤم روحى هوا الشخص اللى بيكون فاهمنى وعارفنى كويس جدا وما بيكونش محتاج انى اكتلم عشان يعرف انا عايز اقول ايه

8_ اكثر حاجه بخشاها هيا انى تكون نهايتى جهنم والعياذ بالله اللهم ارحمنا منها يارب وارحم امتنا منها

9_ اكتر حاجه بتحرجنى ماينفعش انى اقولك عليها

10_ انا شاعر بعواطفى واحساسى وبقلبى وبنفسى

11_ اتمنى انها تكون من والدتى الله يرحمها

12_ انى اسرق البنك المركزى
او انى اكون حوت من حيتان البلد

13_ هرسم الاقصى وهكتب تحته لن نتنازل عنك

14_ كلمه اخير احب انى اقول لا اله الا الله سيدنا محمد رسول الله